jueves, 4 de agosto de 2016

NOVO CURSO 2016/17

                                A     C     T     U     A     L     I     Z     A     M     O     S    !    !    !


Abrimos prazo de matrícula a partir de hoxe, e aquí tendes toda a información en cuestión de horarios e pago.

    Recordamos que a xente que realizou a preinscrición debe cubrir a inscrición xa coa tranquilidade de que ten a praza reservada, pero DEBE CUBRILA IGUAL, para escoller o horario e o método de pago.

En canto a ti! si ti! sabemos que aínda non fixeches a inscrición polo que debes bulir para cubrila e enviala ao correo electrónico de maisquedanza@gmail.com ou introducila no noso buzón de +QDANZA do Pavillón Municipal de Lalín, xa que hai prazas límites por cada grupo.

Ata o 1 de Outubro a matrícula será gratuíta, a partires do 1 todo aquel que se inscriba terá que abonar 20€ a maiores coa primeira mensualidade.

O curso comezará o 12 de Setembro en Lalín, Rodeiro, Bandeira e Prado. En Silleda e en Antas de Ulla comezaremos no mes de Outubro.





DOCUMENTOS:

HORARIOS

O QUE NECESITAS SABER

INSCRICIÓN.PDF.

INSCRICIÓN.DOC.

INSCRICIÓN SILLEDA PDF.

INSCRICIÓN SILLEDA DOC.

jueves, 23 de junio de 2016

CURSO INTENSIVO DE VERÁN + preinscripción 2016/17


QUERES BAILAR CONNOSCO NO VERÁN?


Inscríbete cubrindo o formulario que aparece a continuación cos teu datos, e lembra que se queres reservar a túa praza para o curso 2016-2017 debes facer a nosa preinscripción que tamén está neste tríptico tan chulo!
Cando teñas todo cuberto poderás deixalo no buzón de +QDANZA do pavillón municipal ou enviárnolo de volta a maisquedanza@gmail.com


CORRE!!!!





jueves, 3 de diciembre de 2015

"RESPIRAR"


Esta coreografía estreámola no "Centro Comercial Pontiñas" dentro dos actos finais da "Semana da Non Violencia" promovida pola "Oficina de Igualdade de Lalín".

Coincidindo co décimo terceiro ano desta iniciativa, o departamento municipal estruturou un amplo abanico de iniciativas nun festival cun obxectivo único: sensibilizar a poboación ante un problema social como é a "Violencia de Xénero"

Esta  coreografía é para dicir non ó maltrato (físico e mental), non as inxustizas, a tristura, .........  e non o asasinato.

Dende +QDanza sempre apoiamos esta causa e queremos agradecer a "Oficina de Igualdade de Lalín" por darnos a oportunidade de expresar o que sentimos, e ademais poder facelo da forma que máis nos gusta, ca DANZA.
Tamén queremos agradecer ó "Centro Comercial Pontiñas" por brindarnos o seu espazo e colaborar sempre  nesta causa.

Esta coreografía está creada por Marta Maceira Ansedes e por Yolanda Ogando Gordedo. É a primeira coreografía que crean para unha ocasión tan especial como é esta.

A musica é de: BEBE e o tema é: RESPIRAR.




 



 

miércoles, 2 de diciembre de 2015

CAMBIO DE CONTA BANCARIA E +COUSAS

O primeiro punto é para informarvos de que nos cambiarón ó numero de conta do banco Caixa Geral de Lalín.
Os que pagades ali, non tedes que facer nada xa  ingresan en +QDanza, pero aos que facedes transferencias si que vos afecta, porque a anterior conta xa non existe. Perdoade as molestias. 

A nova conta é a seguinte. IBAN: ES64 0130 3042 3001 2694 5748


+COUSAS


Estamos xa no terceiro mes de curso e queremos recordarvos que no apartado "Asociación" desta Web podedes atopar a folla de Inscrición 2015/2016, a Normativa 2015/2016, e tamén a Directiva da Asociación +QDanza.

Recordar tamén que temos un seguro colectivo de accidentes que se abona na primeira mensualidade do curso. Así que en caso de sufrir unha lesión deportiva nas aulas podedes escoller entre Clinica Deza ou ben o Hospital A Rosaleda (Santiago).

Este curso imos estrear un uniforme novo, recordade que está subvencionado e será obrigatorio agás o grupo de adultos que será de carácter opcional. É este: 
Colaboradores
Uniforme completo

 



miércoles, 28 de octubre de 2015

+QDanza Halloween Party

Preparados?
En +QDanza tamén celebramos Halloween.
Vide disfrazados para pasalo xenial coas coreos máis terroríficas!!
Esperámosvos a tódolos alumnos de +QDanza!


jueves, 10 de septiembre de 2015

VOLTA ÁS AULAS!

BOAS NOVAS!!

Voltamos con moitas ganas das vacacións de verán e aínda que un pouco tarde, aquí vos deixamos a inscrición e os horarios. 





    Podedes cubrir a inscrición e reenviarnola ao noso correo maisquedanza@gmail.com ou cubrila e levala impresa ao buzón que temos colocado no Pavillón Municipal de Lalín.
AS PRAZAS SON LIMITADAS eu de vos correría para anotarme!
O prazo remata o día 9 de Outubro e comezaremos as clases o día 2 de Outubro así que vémonos moi pronto!

Na inscrición resolveredes dúbidas!!
Aquí está:

PDF

DOC

E se só queredes a información sen o formulario de inscrición…
Aquí está:

INFO CURSO 2015/16

APERTAS!